Саяхан гавьяат жүжигчин болж, баяртай яваа Ж.Алтанцэцэгтэй холбогдож “Та битгий уурлаарай” буландаа оруулж, жаахан сандаргасанд өршөөгөөрэй.
-Байна уу. МУГЖ Алтанцэцэг мөн үү?
-Тийм байна. Би байна.
-Сайн байна уу. Таныг “Extacy”хамтлагийн найман гишүүнээс өөртөө таалагддаггүй гурван охиныг хассан гэх юм. Энэ үнэн үү?
-Сайн. Сайн байна уу. Тийм юм байхгүй ээ, миний дүү. Энэ талаар дэлгэрэнгүй тайлбар хэлмээр байна. Манай хүүхдүүд анх “25 дугаар суваг” телевизийн зохион байгуулсан “Making The Band” шоунаас шалгарсан ялагчид. Хамтлаг яагаад гишүүнийхээ тоог цөөлсөн бэ гэхээр нэгдүгээрт охидын маань зарим нэг нь СУИС-д сурдаггүй. Өөр өөр сургуульд, өөр чиглэлээр суралцаж байсан болохоор би тэднийг заавал дуул гэж болохгүй шүү дээ. Тийм биз дээ.
-Эцэг, эхтэй нь мөнгөний асуудлаас болж ам муруйсан гэсэн?
-Дахиад хэлье, би тэднийг шоунд ялсан цагаас нь хойш уран бүтээлд нь тусалсан. Түүнээс биш анхнаас нь би сонгоогүй. Эцэг эхчүүд нь ирээд бид хүүхдүүдийнхээ сонголтыг хүндэтгэж байна. Гэхдээ цаашид амьдрах амьдрал нь энэ биш ээ гээд ярилцаж, тохиролцоод л гаргасан шийд.
-Та хамтлагийн нэг гишүүнээ дуулж чадахгүй байна гээд зодож гэмтээсэн байна, энэ талаар?
-Өө, юу гэж тийм юм байдаг юм бэ. Арай ч дээ, үгүй байлгүй дээ, хэн тэгж байна.
-Мэдээллийн эх сурвалжийг бид нууцлах ёстой юм аа?
-Тэгвэл мэдэхгүй. Өөрөө тэгж байна гэнэ үү. Наадах чинь хөндлөнгийн дэмий балай хүмүүсийн явуургүй явуулга байх. Ёстой тийм юм байхгүй. Худал, худлаа шүү!!!
