Тээврийн хэрэгслээ гаалийн талбайд “мартаад” жил илүү болсон Монгол Улсын хоёр иргэнд ОХУ-ын захиргааны хариуцлагын тухай хуулийн дагуу эхэрг үүсгэлээ гэж ОХУ-ын Буриад улсын гаалийн хэвлэлийн алба мэдээлсэн байна.

Евроазийн эдийн засгийн холбооны гаалийн байгууллагын Буриадын Хиагтын боомтоор нэвтрэх гэж байгаад татвараа төлөөгүй зөрчилтэй байсны улмаас гаалийн нутаг дэвсгэрт саатуулан зогсоосон машинаа авалгүй өнөө хүрсэн юм байна. Эдгээр машиныг  авч гаалийн талбайг чөлөөлөх хугацааа нь 2016 оны гуравдугаар сарын 16-нд дууссан бол нөгөөгийн нь хугацаа энэ тавдугаар сарын 14-нд дуусчээ.

Гэтэл энэ хугацаандаа  гаалийн талбайг чөлөөлж машинаа авахгүй байсан учраас машинуудыг тэндээс гаргаж хадгалалтын камерт хийсэн юм байна.