Японы якуза нарын гэмт хэргийн томоохон бүлэглэл "Ямагути-гуми" болон тэднээс 2015 онд салан тусгаарласан "Кобэ ямагути-гуми" бүлэглэлийн гишүүдийн дунд 2016 оны гуравдугаар сарын 7-ноос энэ тавдугаар сарын 10 хүртэлх хугацаанд 47 удаа мөргөлдөөн болсон гэж Японы хууль сахиулах байгууллага мэдээллээ.

Одоогоор ийм 30 мөргөлдөөнийг нь цагдаагийн байгууллага мөрдөнм шалгаж байгаа юм байна. “Бидний хяналтын ачаар хоёр бүлэглэл харьцангуй суларч, бүрэн тусгаар болж чадсан” гэж Японы Үндэсний цагдаагийн газрын тэргүүн Масаёси Сакагути хэвлэлийн хурал дээр мэдэгджээ.

Гэхдээ мафийн бүлэглэлүүд ойрын үед идэвхжин хөдөлгөөнд орж  магадгүй хэмээн хууль сахиулагчид болгоомжилж байна. Тандалтын мэдээгээр дөрөвдүгээр сарын эцсээр "Кобэ ямагути-гуми" бүлэг дотор санал зөрөлдөөн гарч тэдний хянадаг нэг бүлэг бас салж гаран өөрийн  "Нинкё-дантай ямагути-гуми" гэсэн нэрээр хөл дээрээ  босч магадгүй гэнэ.

Японы якуза нарын бүлэглэл нь хувийн компанийн хэлбэрээр үйл ажиллагаа явуулах нь нэг биш. Тэдний орлогын эх үүсвэр нь мөрийтэй тоглоомын газрууд, эмсийн хүрээлэн, хар тамхи, зэвсгийн наймаа, санхүүгийн хуурамч ажиллагаа зэргийг дарамтлах явдал байдаг бол зарим нь барилгын бизнесийг хянадаг байна. Орлогын өөр нэг хэлбэр нь зарим бүлэглэл орон нутгийн баяр, фестиваль наадам байдаг гэнэ.