Умард Солонгос пуужин харвасан тохиолдолд нүүлгэн шилжүүлэх ажиллагаа зохион байгуулах, J-Alert и Em-Net системээр зарлан мэдээлэх болон иргэдийн өөрсдийн нь мэдэж байвал зохих зөвлөмжөө Японы засгийн газар шинэчлэх шийдвэр гаргасан байна.

Энд хамгийн гол нь умардын пуужин японы нутаг дэвсгэр унах тохиолдолд бүх иргэдийг нүүлгэн шилжүүлэх асуудал орсон байна. Засгийн газрын мэдээлж байгаагаар бол умардын пуужин 10 минутын хугацаанд Японы нутагт хүрч, аюул тохиоход гудамжинд дохио хангинахаас гадна гар утас, электрон шуудангаар урьдчилан мэдээлх юм байна.

Үүний зэрэгцээ засгийн газар пуужингийн довтолгооны үед иргэдийг хааш нь нүүлгэн шилжүүлэх байрыг сонгохыг бас анхаарчээ. Өмнө нь гудамжинд байгаа иргэдийг гэртэ эорж хоргодохыг анхааруулдаг байсан бол одоогийн журмаар найдвартай браилга , гадар доорхи гарч, метроны өртөө, баригын доод хонгилд нуугдахыг зөвлөжээ. Хэрэв ийм байр ойр байхгүй бол ямар ч хамаагүй хоргодох газар олох, эсвэл түрүүлгээ харж хэвтэн толгойгоо далдлахыг зааварласан байна. Байшин барилгад байгаа хүн бол цонхноос яаралтай холдох хэрэгтэй гэнэ.

БНАСАУ-ын пуужин харвасан тохиолдолд Японы засгийн газар өмнө нь мэдээллийн тусгай төвд мэдээлэл өгдөг байснаас биш олон нийтэд ил зарладаггүй байсан юм байна. Харин дөрөвдүгээр сарын 29-нд Умард Солонгос пуужин харвасны дараагаар Токиогийн  метроны болон умард нутгийнхаа төмөр замын хөдөлгөөнийг зогсоосон нь анх удаа хэрэгжүүлсэн арга хэмжээ байлаа.

Умард Солонгосын харвасан пуужин хэд хэдэн удаа японы эдинй засгийн далай дахь бүсэд унасны дараагаар Японы Засгийн газар ийм алхам хийхэд хүрээд байгаа юм. Гуравдугаар сарын 9-нд харвсана Умардын пуужин Исикава аймгийн Ното хойгоос ердөө 200 км-ийн зайд унасан юм.