Бүгд найрамдах Солонгос улсад болсон Ерөнхийлөгчийн сонгуулиар “Тобура” Ардчилсан намаас нэр дэвшигч Мун Жэ Ин олонхийн санал авч тус улсын Ерөнхийлөгч боллоо гэж Үндэсний сонгуулийн комисс нь мэдээллээ.

“Мун Жэ Ин нийт сонгогчдын 41,1 хувийн санал авч тус улсын шинэ ерөнхийлөгчөөр сонгогдлоо. Түүний төлөө 13,4 сая хүн саналаа өгсөн байна” гэж сонгуулийн комиссын мэдээнд дурджээ. Түүний дараа орсон нэр дэвшигч Хон Жун Пхег 7,85 сая хүн дэмжсэн нь нийт сонгогчдын 24,03 хувь болж байгаа юм байна.

БНСУ-ын өмнөх ерөнхийлөгч Пак Кын Хег тус улсын Үндсэн хуулийн шүүх  албан тушаалаас нь эргүүлэн татах шийдвэр гаргаснаар энэ удаа Ерөнхийлөгчийн сонгууль хугацаанаасаа долоон сарын  өмнө болж байгаа нь энэ.