ОХУ-ын Эрхүү хотын шүүх янз бүрийн насны найман эмэгтэйг хүчирхийлсэн 15 настай хүүд хулгай, дээрэм, хүчирхийллийн хэргийн нь төлөө хүүхдийн засан хүмүүжүүлэх колонид  зургаан жил хорих ял оноосон байна.

“Ийм залуу хүчирхийлэгч, тэгээд цуврал үйлдэлтэй байхыг анх удаагаа харж байна” гэж Эрхүүгийн Мөрдөн байцаах газрын даргын туслах Владимир Саловаров хэлсний "Комсомольская правда" хэвлэл иш татжээ.

Гэмт хэрэгтэн 2006 оны зун анхны гэмт үйлдлээ хийсэн бол наймдугаар сарын сүүлчээс 2007 оны нэгдүгээр сар хүртэлх хугацаанд Эрхүү хотын Байкал болон Зөвлөлтийн гудамжнууд, эрхүү орчмын ойд нийт найман эмэгтэйг хүчинджээ. Гэмт этгээд ихэвчлэн оюутнууд руу халддаг байсан ч түүний хохирогчдын дунд 60 настай эмэгтэй ч байсан гэнэ.