ОХУ-ын Эрүүл мэндийн яам тамхины эсрэг шинэ хуулийн төсөл боловсруулж байгаа дотор 2014 оноос хойш төрсөн иргэдэд тамхи худалдаалахыг хориглох тухай заалт орж байгаа юм байна. Тамхины хэрэглээг хязгаарлах талаар 2017-2022 онд төрөөс баримтлах  бодлогын хүрээнд 2025 он гэхэд хүн амын тамхины хэрэглээг 25 хувь бууруулахаар заасан гэнэ.

Үүнээс үүдээд 2014 оноос хойш төрсөн иргэдэд, ялангуяа насанд хүрээгүй хүүхдэд тамхи худалдаалахыг 2033 оноос эхлэн хориглох тухай ярьж байгаа юм. Улмаар олон нийтийн газар, автомашинд, нийтийн бүх төрлийн тээвэрт, хот хоорондын болон олон улсын зорчигч тээврийн үйлчилгээний газарт гурваас дотогш метрийн зайд тамхи татахыг бүрэн хориглох юм байна.

Дэлхийн эрүүл мэндийн байгууллагын мэдээгээр бол оросын 15 хүртэлх насны хүүхэд долоо хоногт нэг удаа тамхи татдаг гэсэн бол 2006-2014 онд хөвгүүдийн тамхи татах нь 27 хувь байснаа 17 хувь болж, охидын тамхи татах явдал 21 хувиас 10 хувь болж буурсан гэжээ.