Нийслэлийн Засаг даргын Тамгын газраас маргааш буюу  арванхоёрдугаар сарын 31-ний үдэш Сүхбаатарын талбайд  зохион байгуулах “Улаанбаатарын мөнгөн шөнө” цэнгүүний үеэр  Сүхбаатарын талбайн баруун, зүүн талын замуудыг түр хугацаанд хаах юм байна.  
Харин ойр орчмын зогсоолууд иргэдэд үнэ төлбөргүй үйлчлэх учраас иргэд өөрсдийн тээврийн хэрэгслийг Хангарди ордон, Улаанбаатар зочид буудал, ДБЭТ, УДЭТ, Спортын төв ордон зэрэг зогсоолуудад зөв байршуулж, баярын арга хэмжээндээ оролцохыг Замын цагдаагийн албанаас зөвлөлөө.
Цэнгүүнд оролцсон иргэдэд  нийтийн тээврийн их багтаамжийн 658 автобус үйлчилнэ.
Замын цагдаагийн алба, Нийслэлийн онцгой байдлын газар, Улаанбаатар хотын цагдаагийн газрын алба хаагчид иргэдийн аюулгүй байдлыг хангаж ажиллана.