Нийслэлийн нийтийн эзэмшлийн зам талбайн 3,6 км нь зүлэгжүүлсэн талбай байдаг.  Уг нь, жил бүр 1800 га талбайг шинээр зүлэгжүүлж, 1700 га талбайг нөхөн зүлэгжүүлдэг. Гэвч хүний буруутай үйл ажиллагаанаас болж ургахгүй гэмтдэг тохиолдол олонтаа аж. Энэ талаар ч НЗАА-ны Хот нийтийн аж ахуйн хэлтсийн дарга Ц.Тунгалаг “Хотоос жил болгон аль гудамж, талбайг зүлэгжүүлэх, мод тарих график төлөвлөгөө гаргадаг. Энэ дагуу тохижилтын ажил хийгддэг. Гэвч ТҮК-ийн хариуцлаггүй гэхээсээ иргэдийн хайхрамжгүй зан нөлөөлдөг зүйл олон. Тухайлбал, хүн орохыг хориглоно гээд заасан байхад зүлэгжүүлсэн талбайд гишгих, мод бут сөөгийг нь гэмтээдэг. Гэтэл нэг мод дор хаяж 2500-10 мянган төгрөгийн үнэтэй байдаг юм” гэж ярьж байв.