Байгаль нуурын гол цутгал Сэлэнгэ мөрөн, Эгийн гол дээр монголчууд Усан цахилгаан станц барих эсэх талаар  оросын олон нийтийн санал бодлыг сонсоно гэж ОХУ, Монголын тал зөвшилцсөний дагуу иргэдийн саналыг сонсох санал асуулга 2017 оны нэгдүгээр сарын 16-наас 31-ний хооронд болох гэнэ.

Энэ хугацаанд буриадын таван суурин газрын иргэдээс саналыг нь авах юм байна. Монголчуудын барих гэж байгаа эдгээр Усан цахилгаан станц нь Байгаль нуурын экологи, усан санд хөнөөл учруулна гэж оросын Засгийн газар, байгаль хамгаалагчид, ард иргэд үзэн хүчтэй эсэргүүцэж байгаа юм.

Үүний өмнө ОХУ-ын Байгалийн нөөц, экологийн сайд Сергей Донской энэ төслийг хэрэгжүүлэх гэж байгаа Дэлхийн банкинд хандан захидал бичиж эсэргүүцлээ илэрхийлж байсан юм.