Хакерууд кибер халдлагаар  оросын нэгэн банкны автоматжуулсан системийг эвдлэн тэндээс 100 сая рубль хулгайлсан хэрэг гарсан хэмээн ОХУ-ын төв банк мэдээлсэн ч яг ямар банк гэдгийг дурдаагүй байна.

“Урьдчилсан байдлаар банкинд учирсан хохирлын хэмжээ 100 сая рублиэр хэмжигдэж байна. Оросын төв банкны зээл санхаүүгийн хүрээн дэх компьютерийн дайралтад тавих  хяналт шинжилгээ, зохицуулалтын төв-FinCERT өөрийнхөө бүрэн эрхийн хүрээнд энэ хэргийг мөрдөн шалгаж байгаа хууль хяналтын байгууллагатай хамтран ажиллаж байна. Энэ талаарх мэдээллийг хэргийг шалгаж байгаа талууд манай санхүүгийн FinCERT-тэй зөвшилцөн өгөх болно” гэж мэдээлжээ.