Туркийн ерөнхийлөгч Режеп Тайип Эрдоган Сири дэх байлдааны ажиллагаанд оролцох болсноо мэдэгдэхдээ  энэ ажиллагааны гол зорилго нь Башар Асадын дэглэмийг түлхэн унагаах явдал гэснийг Hurriyet Daily News хэвлэл иш татжээ.
Туркийн ерөнхийлөгч Сирид сая сая хүн амь алдаж байна гээд энд эмэгтэйчүүд, хүүхэд амь алдаж энэ ч үргэлжилсээр байна гэсэн байна.

Тэрээр “Нэгдсэн үндэсний байгууллага хаана байна вэ, тэд юу хийж байна. Эсвэл Иракт ажиллаж байна уу, Үгүй л дээ үгүй” гэжээ.

Эрдагон “Манай улс энэ бүхнийг тэвчиж ханалаа, одоо Сирийн чөлөөт армттай хамтрахаар цэргээ оруулж байна” гэсэн байна. “Бид улс орондоо төрийн хядлага үйлдэж байгаа Асадын дарагуйллыг эцэс болгохоор ийшээ цэргээ орууллаа. Энэ бол бидний цор ганц шалтгаан” гэж тэр хэлжээ.

Турк улс Сири дэх “Евфратын бамбай” ажиллагаанд оролцохоор наймдугаар сарын 24-нөөс эхлэн “Лалын улс” зэвсэгт бүлэглэлийн эсрэг Сирийн чөлөөт армитай хамтран байлдаж байгаа юм. “Евфратын бамбай” ажиллагаа нь мөн туркийн засаг захиргааны алан хядагч гэж үздэг курдуудын эсрэг чиглэж байгаа гэдгийг Эрдоган бас тэмдэглэжээ. Анкара бас Ирак дахь ажиллагаанд оролцож байгаа юм.