Кубын хувьсгалын  удирдагч Фидель Кастрог нас барсны төлөө Умард Солонгост гурав хоногийн гашуудал зарлан төв байгууллагуудын дээрх төрийн далбааг 28-ны өдрөөс 30-ны дөрийг дуустал бөхийлгөхөөр шийдвэрлэжээ.

Үүний өмнө Умардын удирдагч Ким Чен Ун кубын Төрийн болон Сайд нарын зөвлөлийн дарга Рауль Кастрод эмгэнэлийн цахилгаан утас илгээж “Фидель Кастро бол Кубын ард түмний гарамгай удирдагч, империализмын эсрэг тэмцэлд үнэтэй хувь нэмэр оруулсан улс төрийн нэрт зүтгэлтэн. Тэрээр Солонгосын ард түмний дотнын нөхөр байсан” гээд “Фидель Кастро нас нөгчсөн ч түүний үнэлж баршгүй гавьяа манай хоёр орны ард түмний болон дэвшилтэт хүн төрөлхтний сэтгэл зүрхэнд үүрд оршиж үлдэнэ” гэсэн юм.