Дэлхий дээр манай гаригийн бүх хүүхдийн долооны нэг нь буюу 300 сая хүүхэд агаар нь дээд хэмжээгээр бохирдсон бүс нутагт амьдарч байна гэж НҮБ-ын Хүүхдийн сан /ЮНИСЕФ/- гаас мэдээлсэн байна.

“Өнөөдөр дэлхий даяар 300 сая хүүхэд хорт бодисоор дээд хэмжээгээр бохирдсон агаартай бүс нутагт амьдарч байна гэж ЮНИСЕФ-ийн гүйцэтгэх захирал Энтони Лейкийн хэлснийг байгууллагын албан ёсны сайтад иш татжээ. Гүйцэтгэх захирал “Дээр нь хоёр тэрбум хүүхэд агаарын бохирдол нь Дэлхийн эрүүл мэндийн байгууллагын тогтоосон стандартын шаардлагаас давсан бүсэд амьдарч байгаа” гэж тэмдэглэсэн байна.

Гэтэл энэ тоонд өөрийн орон байр, гэртээ бохир агаараар амьсгалж байгаа нэг сая гаруй хүүхдийг оруулаагүй шүү дээ гэж тэр онцолжээ.

“Агаарын бохирдол нь жил бүр амь алдаж байгаа тав хүртэлх насны  600 мянган хүүхдийн нас баралтын  нэг гол шалтгаан болж байгаагаас гадна, өдөр бүр та бидний ирээдүй болсон сая сая хүүхдийн эрүүл мэндэд аюул учруулж байна” гэж ЮНИСЕФ-ийн тэргүүн хэлсэн байна.