ОХУ-ын ерөнхийлөгч Владимир Путин ирэх оны нэгдүгээр сард ажлаа өгөх гэж байгаа АНУ-ын ерөнхийлөгч Барак Обамаг эх орондоо урьсан байна. “Бидний яриа нэлээд төвөгтэй, заримдаа хамтран ажиллахад хэцүү байсан ч гэсэн Обама ерөнхийлөгч бид хоёр ямагт бие биеийнхээ байр сууринд  хүндэтгэлтэй хандаж ирсэн” гэж Путин мэдэгджээ.

Путин бас хамтарч ажилласан жилүүдийнхээ төлөө Барак Обамад талархал илэрхийлээд, боломж гараад өөрөө хүсвэл дуртай цагтаа Орост ирвэл баярлах болно гэсэн байна.

Үүний өмнө Барак Обама, Владимир Путин хоёр Ази Номхон далайн орнуудын хамтын ажиллагааны дээд хэмжээний уулзалтын үеэр уулзсан юм.