Өмнөговь аймгийн Гэмт хэргээс урьдчилан сэргийлэх ажлыг зохицуулах зөвлөл, Засаг даргын Тамгын газрын Хууль эрх зүйн хэлтэс, Цагдаагийн газар хамтран  аймгийн хэмжээнд зам тээврийн осолд өртөж, амь нас эрүүл мэндээрээ хохирсон иргэдийн дуу хоолойг сонсох өдөр, “Автомашингүй өдөр”-ийг арваннэгдүгээр сарын 19-нд зохион байгуулахаар боллоо. Бүх суманд нэгэн зэрэг өдрийн 10-14 цагийн хооронд замын хөдөлгөөнийг хаах юм. Мөн холбогдох байгууллагууд зам тээврийн ослоос урьдчилан сэргийлэхтэй холбоотой мэдээ мэдээлэл, гарын авлагыг иргэдэд хүргэж ажиллана.