Умард Солонгосын эрх баригчид гадаадын тагнуулын хиймэл дагуулын дуранд өртөхгүй байх хамгаалах халхавч  хийхийн тулд улс оронд даяараа мөнгөн цаас фольго цуглуулах кампанит ажил өрнүүлж эхэлжээ.

Арми, цэргийн хэрэгцээнд ийм мөнгөн цаас хандивлахыг ард иргэдэд уриалж, үүгээр баг, хамгаалалтын бүрхэвч хийж агаараас эсэргүүцэн хамгаалах комплексуудаа далдалбал америкийн хиймэл дагуулд харагдахгүй болно гэж ухуулан сурталчилж байгаа тухай Өмнөд Солонгосын мэдээллийн Yonhap агентлаг мэдээлсэн байна.

Умард Солонгосын радио станцын мэдээгээр бол тугалган  цаас цуглуулах ажилд сургуулийн хүүхдүүд ч идэвхтэй оролцож гудамжинд хаясан тамхины хайрцаг зэрэг ийм цаас орсон бүхнийг авч цуглуулан тушааж байгаа гэнэ. Зарим айлууд тугалган цаастай хамт мөнгө ч хандивлаж байгаа гэж RFA хэвлэлд бичжээ.