Энэтхэг улс сүүдрийн эдийн засаг, авлига, мөнгөн дэвсгэрт хуурамчаар үйлдэгчид, санхүүгийн терроризмтэй тэмцэх ажлын хүрээнд тус улсын мөнгөний хамгийн том нэгж 500, 1000-ын рупийн дэвсгэртийг эргүүлэн татаж шинээр сольж байна. Түрүү долоо хоногийн лхагва гарагт эхэлсэн энэ ажлын явцад иргэд мөнгөө солиулах гэж тав дахь хоногтоо банкны салбаруудын өмнө дараалалд зогсч бас бухимдаж байна.

Харин Энэтхэгийн Сангийн сайдын орлогч Шактаканта Дас “Энэхтхэгийн Нөөцийн банкны удирдлага өчигдөр Ерөнхий сайд Модид мөнгөний нөөц хангалттай байгаа, талаар  танилцуулсан. Ойрын өдрүүдэд янз бүрийн шугамаар банкны бүх салбаруудад шинэ дэвсгэртүүдийг хүргэнэ. Дахиад хэлэхэд Нөөцийн банкинд хангалттай мөнгөө байгаа. Нийгэм даяар сандарч бухимдах хэрэггүй” гэж даваа гарагт хийсэн хэвлэлийн хурал дээр мэдэгджээ.

“Мөнгө нь байгаа юм байж, харин хангаж чадахгй байна шүү дээ” гэсэн сэтгүүлчийн асуултад тэрээр “Нөхцөл байдал байнгын хяналтад байгаа, шинэ дэвсгэртийг хүргэх, нийлүүлэх хэмжээг нь нэмэгдүүлэх талаар арга хэмжээ авч байгаа” гэсэн байна.