БНХАУ-ын Өвөр Монголын өөртөө засах орны Цагдаагийн удирдах газрын дэд дарга асан Жао Липинийг авлига авсан, хүний амь хөнөөсөн, хууль бусаар галт зэвсэг,сум галт хэрэгсэл,  тэсэрч дэлбэрэх бодис хадгалсны нь төлөө хоёр сая юаньтай тэнцэх хэмжээний хөрөнгийг нь хураан цаазаар авах ял оноосон байна.

Түүний хэргийг Шаньси мужийн Тайюань хотын Ардын шүүх тасалж баасан гарагт ялыг нь баталжээ.
2015 оны гуравдугаар сарын 20-нд Өвөр монголын Чифэн хотноо Жао Липин галт зэвсэг хэрэглэн Ли гэдэг эмэгтэйн амийг хөнөөсөн юм. 2008-2010 онд Жао Липин Өвөр Монголын өөртөө засах орны Нийгмийг аюулаас хамгаалах удирдах газрын даргын алба хашиж байхдаа  албан тушаалаа ашиглан гурав дахь этгээдтэй хамтран бизнес хийж, албан тушаалтнуудыг томилон, 23,68 сая юанийн авлига авчээ.

2005-2010 оны хооронд 65 настай Жао Липин Өвөр монголын өөртөө засах орны Нийгмийг аюулаас хамгаалах удирдах газрын даргаар ажиллаж байгаад 2012 онд ӨМӨЗО-ны Бүх хятадын ардын улстөрийн зөвлөлдөх хорооны дэддаргаар ажиллаж байжээ.