Клинтоны төлөө саналаа өгөхийг Төлөөлөн сонгогчдоос хүсч Хоёр сая гаруй америк хүн гарын үсэг цуглуулжээ. Тэд Change.org сайтаар дамжуулан арванхоёрдугаар сарын 19-нд болох төлөлөөн сонгогчдын санал хураалтаар Төрийн нарийн бичгийн дарга байсан Хилари Клинтоныг дэмжиж саналаа өгөхийг уриалан ийн гарын үсэг цуглуулж байгаа юм байна.

Энэ илгээлтдээ тэд Клинтон АНУ-ын иргэдийн олонхын санал авсан, харин Бүгд найрамдах намаас нэр дэвшигч Дональд Трамп Төлөөлөн сонгогчдыг сонгоход л олонхи болж Ерөнхийлөгчөөр сонгогдлоо гэжээ. Цагаан ордонд өөр нэр дэвшигч хэрэггүй гэж үүний зохиогч онцолсон байна.

“Ийм ардчилсан бус сонгуулийн тогтолцоог бид яагаад халахгүй байна вэ. Ноён Трамп Ерөнхийлөгч байж хэрхэвч таарахгүй. Түүний сэтгэлийн хөөрөл, худал үг, урвалт, бэлгийн хүчирхийлэл зэрэг нь Бүгд найрамдах улсад аюултай.Бүх нийтийн санал асуулгаар Клинтон ялсан, тэр ерөнхийлөгч байх ёстой” гэж энд бичсэн байна.
Сайтад бичсэн үүнийг дэмжиж 2,06 сая хүн нэгджээ.