Тайванийн загас агнуурын 52 хүнтэй Chin Chun хөлөг Номхон далайд японы эргээс 510 км зайд задгай далайд  шатаж байна. Хөлөг өөр хөлөгтэй мөргөлдсөнөөс болж түймэр гарсан гэж байна. Японы Иватэ аймгийн Мияко хотоос хагас мянган км-т байгаа хөлөг рүү Тайванийн нэг хөлөг онгоц, японы эргийн хамгаалалтын эргүүлийн хөлгүүд очиж байгаа юм байна.

Хөлгийн багийнхнаас бэртэж гэмтсэн хүн байхгүй гэж орон нутгийн эрх баригичд мэдэгдэж байгаа  ч японы зарим хэвлэл хөлөг дээрээс нэг хүн далайд унасан гэсэн байна.

Хөлөг онгоц ямар хөлөгтэй мөргөлдсөн, нөгөө онгоц нь ямар  болох талаар тодорхой мэдээлэл алга байгаа юм байна.