Өвөлжилт хүндэрсэн үед төрийн үйлчилгээг шуурхай, оновчтой зохион байгуулахыг даалгалаа
Төмөр зам доогуур нүхэн гарц барих төслийн бүтээн байгуулалт үргэлжилж байна
Нийслэлийн Байгаль орчны газраас зэрлэг амьтдад ээлтэй хашааны стандартыг батлуулж, мөрдүүлэн ажиллаж байна
Өрхийн эрүүл мэндийн төвүүд ажлын өдөр 20:00 цаг хүртэл уртасгасан цагаар ажиллана
Томуу, томуу төст өвчний дэгдэлт эрс нэмэгдэж байгаатай холбогдуулан дараах "ЗӨВЛӨМЖ"-ийг хүргэж байна
Шатрын Монгол Улсын аваргаар 11 настай Ц.Ананд тодорлоо
"Болор цом 43" яруу найргийн наадамд шүлгээ унших яруу найрагчид тодорчээ
Хянан шалгах түр хорооноос нотлох баримтыг шинжлэн судлах сонсголыг зохион байгуулна
Сурагчдын өвлийн амралтыг 14 хоногийн өмнө эхлүүлэх саналыг ЭМЯ гаргаж Боловсролын яаманд хүргүүлжээ
ЦАГ АГААР: Улаанбаатарт өдөртөө 11 хэм хүйтэн
Мосулд болж байгаа үйл явдалд Ромын Пап цочирдож, Трамп бухимдав
Б.БАДРАЛ
Христийн шашны католик урсгалын тэргүүн, Ромын пап Франциск нь Иракийн Мосул хотод болж байгаа дайны харгислалд цочирдож буйгаа мэдэгджээ. Тэрээр тун эгзэгтэй энэ цаг үед Иракийн ард түмнийг дэмжиж байгаагаа мэдэгдээд “Урт хугацааны туршид үйлдэгдэж байгаа харгислал, хэрцгийлэлийн золиос болж буй гэмгүй иргэдийг ислам эсвэл христийн шашинтан гэж ялгалгүйгээр бидний сэтгэл цочирдон эмзэглэж байна. Золиос бологсдын дотор хүүхэд олон байна. Энэ хэрцгийлэл биднийг хэлэх үггүй болгож байна” гэжээ.
Иракийн Найнава мужийн төв Мосул хотыг чөлөөлөх ажиллагаа аравдугаар сарын 17-нд эхэлсэн. Тус ажиллагаанд “Лалын улс” алан хядах бүлэглэлийн эсрэг Иракийн арми, курдуудын өөрийгөө хамгаалах “пешмерга” бүлэглэл, шиитүүдийн сайн дурын бүлэглэл гээд нийт 60 мянга гаруй хүн оролцож байгаа. “Лалын улс”-ын алан хядагчид Мосул хотыг хоёр жилийн өмнө эзэлж Ирак дахь өөрийн “нийслэл” болгоод байсан юм.
Иракийн арми Мосул хотыг чөлөөлөх ажиллагаа эхлүүлж байгааг Америк дэмжиж, алан хядагчдын байрлал руу агаараас цохилт өгч байгаа. Гэтэл Америкийн Ерөнхийлөгчийн суудалд нэр дэвшигч Дональд Трамп нь Мосулыг чөлөөлөх ажиллагааг эрс шүүмжлэв. Тэрээр “Twitter” дээрээ “Мосул руу хийж байгаа дайралт бүрэн сүйрэл болж хувирлаа. Бид бэлдээд бай гээд тэдэнд хэдэн сарын өмнөөс анхааруулсан шүү дээ. АНУ тун тэнэг харагдаж байна. Трампын төлөө саналаа өгцгөөж ахин ялцгаая” гэж жиргэжээ.
Трамп нь Ойрхи Дорнодод Обамагийн явуулж байгаа бодлогыг шүүмжилсээр ирсэн. Тэрээр энэ тухайд “Ливи тогтвортой байв. Сири бүрэн хяналтад байсан. Египет АНУ-ын холбоотон, шашны бус үзэлт Ерөнхийлөгчийн мэдэлд байсан. Иракт хүчирхийлэл намжих тийшээ хандаад байв. Одоо бидний “Лалын улс” гэж нэрлэсэн зүйлийг эхлүүлсэн бүлэглэл нь үгүй болоход ойрхон байсан. Иран эдийн засгийн хориг арга хэмжээнд нухлуулж байсан. Гэтэл Ерөнхийлөгч Барак Обама, Төрийн нарийн бичгийн дарга асан Хиллари Клинтоны нарын явуулсан бодлогын үр дүнд Ливи нуранги болж, Америкийн Элчин сайд алагдсан, “Лалын улс” тэнд шинэ түшиц газартай боллоо. Сири иргэний дайны галд автаж, “Лалын улс” газар нутгийнх нь ихээхэн хэсгийг хянаж байна. Европ ба АНУ-д цагаачдын хямрал нүүрлээд байна” гэж мэдэгдэж байсан.
Б.БАДРАЛ
Христийн шашны католик урсгалын тэргүүн, Ромын пап Франциск нь Иракийн Мосул хотод болж байгаа дайны харгислалд цочирдож буйгаа мэдэгджээ. Тэрээр тун эгзэгтэй энэ цаг үед Иракийн ард түмнийг дэмжиж байгаагаа мэдэгдээд “Урт хугацааны туршид үйлдэгдэж байгаа харгислал, хэрцгийлэлийн золиос болж буй гэмгүй иргэдийг ислам эсвэл христийн шашинтан гэж ялгалгүйгээр бидний сэтгэл цочирдон эмзэглэж байна. Золиос бологсдын дотор хүүхэд олон байна. Энэ хэрцгийлэл биднийг хэлэх үггүй болгож байна” гэжээ.
Иракийн Найнава мужийн төв Мосул хотыг чөлөөлөх ажиллагаа аравдугаар сарын 17-нд эхэлсэн. Тус ажиллагаанд “Лалын улс” алан хядах бүлэглэлийн эсрэг Иракийн арми, курдуудын өөрийгөө хамгаалах “пешмерга” бүлэглэл, шиитүүдийн сайн дурын бүлэглэл гээд нийт 60 мянга гаруй хүн оролцож байгаа. “Лалын улс”-ын алан хядагчид Мосул хотыг хоёр жилийн өмнө эзэлж Ирак дахь өөрийн “нийслэл” болгоод байсан юм.
Иракийн арми Мосул хотыг чөлөөлөх ажиллагаа эхлүүлж байгааг Америк дэмжиж, алан хядагчдын байрлал руу агаараас цохилт өгч байгаа. Гэтэл Америкийн Ерөнхийлөгчийн суудалд нэр дэвшигч Дональд Трамп нь Мосулыг чөлөөлөх ажиллагааг эрс шүүмжлэв. Тэрээр “Twitter” дээрээ “Мосул руу хийж байгаа дайралт бүрэн сүйрэл болж хувирлаа. Бид бэлдээд бай гээд тэдэнд хэдэн сарын өмнөөс анхааруулсан шүү дээ. АНУ тун тэнэг харагдаж байна. Трампын төлөө саналаа өгцгөөж ахин ялцгаая” гэж жиргэжээ.
Трамп нь Ойрхи Дорнодод Обамагийн явуулж байгаа бодлогыг шүүмжилсээр ирсэн. Тэрээр энэ тухайд “Ливи тогтвортой байв. Сири бүрэн хяналтад байсан. Египет АНУ-ын холбоотон, шашны бус үзэлт Ерөнхийлөгчийн мэдэлд байсан. Иракт хүчирхийлэл намжих тийшээ хандаад байв. Одоо бидний “Лалын улс” гэж нэрлэсэн зүйлийг эхлүүлсэн бүлэглэл нь үгүй болоход ойрхон байсан. Иран эдийн засгийн хориг арга хэмжээнд нухлуулж байсан. Гэтэл Ерөнхийлөгч Барак Обама, Төрийн нарийн бичгийн дарга асан Хиллари Клинтоны нарын явуулсан бодлогын үр дүнд Ливи нуранги болж, Америкийн Элчин сайд алагдсан, “Лалын улс” тэнд шинэ түшиц газартай боллоо. Сири иргэний дайны галд автаж, “Лалын улс” газар нутгийнх нь ихээхэн хэсгийг хянаж байна. Европ ба АНУ-д цагаачдын хямрал нүүрлээд байна” гэж мэдэгдэж байсан.
0 Сэтгэгдэл
