Венесуэлийн парламент гүйцэтгэх засаглалаа Үндпсэн хууль зөрчсөн гэж буруутгаад ерөнхийлөгч Николас Мадурог эргүүлэн татах үйл явцыг эхлүүлснээ зарлалаа.  Хууль тогтоох байгууллага ням гарагт онцгой хуралдаан зарлаж хэлэлцээд ийм шийдвэр гаргажээ.

Энэ хуралдаанаас гаргасан есөн зүйл бүхий тогтоолд хамгийн гол нь “Гүйцэтгэх засаглал Үндсэн хуулийг зөрчиж, төрийн эргэлт хийхэд бэлтгэсэн” гээд “Николас Мадурог ерөнхийлөгчийн албан тушаалаас эргүүлэн татах үйл ажиллагааг эхлүүлэх” гэж заажээ. Депутатууд бас “Ерөнхийлөгчийг огцруулах санал асуулгыг зогсоосны төлөө Венесуэлийг Олон улсын эрүүгийн шүүхэд өгөх, Үндэсний сонгуулийн хорооны таван гишүүнийг томилох, Дээд шүүхийн шинэ гишүүдийг томилох асуудаэл хэлэлцсэн байна.

Үндэсний сонгуулийн хороо өнгөрсөн пүрэв гарагт хуралдаад ерөнхийлөгчийг огцруулах эсэх талаар бүх нийтийн санал асуулга явуулах эсэх талаар гарын үсэг цуглуулах ажлыг тодорхойгүй хугацаагаар хойшлуулах шийдвэр гаргасан юм. Гарын үсэг цуглуулах ажил энэ сарын 26-наас 28-нд болох ёстой байсан юм.