Хятадын сансрын жолоодлогот "Шэньчжоу-11” хөлгийн багийн хоёр гишүүний нэг Чэнь Дун “одоохондоо харь гаригийнхныг олж хараагүй л байна, гэхдээ уулзана гэдэгтээ итгэлтэй байна” гэж мэдэгджээ.
Хятад улс өнгөрсөн даваа гарагт Өвөр монголын говь дахь сансрын "Цзюцюань" буудлаас өөрийн сансрын жолоодлогот "Шэньчжоу-11" хөлгийг амжилттай хөөргөсөн юм. "Чанчжэн-2F" зөөгч пуужингийн тусламжтай хөөргөсөн хөлгийг сансрын нисэгч Цзин Хайпэн даргалж түүний хамтрагчаар  Чэнь Дун нисч яваа юм.

Сансрын хоёр нисэгч нислэгийг удирдах төвд өөрсдийн ажил,  амьдрал, эрүүл мэндийн талаар мэдээлэхийн зэрэгцээ Синьхуа агентлагийн сурвалжлагчийн үүрэг гүйцэтгэж шинэ шинэ мэдээлэл  текстээр, дүрс болон дууны бичлэгээр дамжуулж байгаа юм.

“Хятадын нэг сурагч биднийг харь гаригийнхныг олж харав уу гэж асуусан. Одоохондоо хараахан хараагүй л байна, гэхдээ харна гэж найдаж байна” гэж Чэнь Дун нисэгч Синьхуа  агентлагт зориулж бичжээ.

Багийн ахлагч Зян Хайпиний хувьд сансарт гурав дахь удаагаа нисч байгаа, хамгийн анх 2008 оны есдүгээр сарын 25-нд нисч байж. Харин Чэнь Дуны хувьд сансарт анх удаага нисч байгаа нь энэ. Тэд энэ удаа сансарт шинжлэх ухаан, анагаах ухааны олон туршилт хийх юм.