Монгол Улсын ирэн эмэгтэй Орос-Монголын хилийн Хиагт боомтоор хурганы арьс, үнэт эдлэлээ гаалийн мэдүүлэгт тусгаагүйн улмаас хураалгасан хэрэг гарчээ. Эмэгтэй хувийн авто машиндаа хурганы 176 мянган рублиэр үнэлэгдэх 353 арьс тээвэрлэж явсан нь гаалийн үзлэгээр илэрсэн байна. Нийтдээ 57,1 кг болж байгаа хурганы арьсыг эмэгтэй гурван цүнхэнд хийсэн байжээ.

Монгол Улсын иргэн өөр бас нэг эмэгтэй 94,3 мянган рублиэр үнэлэгдэх хүзүүний зүүлт, бугуйвч, бөгж зэрэг таван кг үнэт зүйлсийг гаалийн мэдүүлэгт тусгаагүй байсан нь илэрсэн байна.

Энэ хоёр эмэгтэйд одоо захиргааны хариуцлагын хуулийн дагуу торгуулийн арга хэмжээ авах юм байна. ОХУ-ын хуулиар Евразийн эдийн засгийн холбооны хилээр хувийн хэрэгцээний бус арилжааны зориулалтаар авч яваа эд зүйлсээ заавал гаалийн мэдүүлэгт бичих ёстой юм байна.