Байгаль нуур, түүний эко системд хөнөөл учруулахуйц Усан цахилгаан станцууд барихаар Монгол Улс тендер зарлаад байгаатай холбогдуулан ОХУ монголд нийлүүлдэг эрчим хүчнийхээ үнийг бууруулахад бэлэн байгаагаа илэрхийллээ. ОХУ-ын Эрчим хүчний яамны баримт бичгийг үндэслэн “Известия” ингэж мэдээлсэн байна.

“Монголд нийлүүлдэг эрчим хүчнэий үнийг эргэн харах шийдвэр нь зөвхөн эдийн засгийн төдийгүй улс төрийн асуудал болоод байна. Энэ болсаяхан Эрчим хүчний яаман дээр болсон зөвлөгөөний протоколоос үүдэлтэй. Арваннэгдүгээр сарын дунд хүртэл Эрчим хүчний яам Монголд нийлүүлж байгаа эрчим хүчнийхээ үнийг  бууруулах санал дэвшүүлж байна. Асар их мөнгө төлж байна гэж Монголын эрх баригчид удаа дараа мэдэгдэж байсан юм” гэж хэвлэлийн мэдээнд дурджээ.
Эрчим хүчний яам бас энэ асуудлыг шийдвэрлэж үнийн санал боловсруулах ажлын хэсэг томилсон байна.

Оросын тал үүний үр дүнд Байгаль нуурын гол цутгал Сэлэнэг мөрний ай савд Усан сан барихаасаа татгалзана гэж найдаж байгаа юм. Байгаль хамгаалагчдын үзэж байгаагаар бол монголчууд энэ усан цахилгаан станцуудыг баривал Байгаль нуур ширгэх аюултай гэж үзэж байгаа юм.
ОХУ-ын ШУА-ийн Сибрийн салбарын биологийн хүрээлэнгийн эрдэмтэд монголчуудын Сэлэнгэ мөрөн дээр  барих гэж байгаа усан цахилгаан станцууд нь Байгаль нуурт ямар хөнөөлтэй нөлөөлөл үзүүлэх талаар 2017 оны зун гэхэд дүн шинжилгээ гаргахаар төлөвлөж байгаа юм байна.