Өнөөдөр сансарт хөөрөх гэж байгаа Хятадын “Шэньчжоу-11” сансрын хөлгийн хоёр гишүүн нь долоо хоногийн нэг өдөр нь амарч, бусад өдөр нь ажиллах болно гэсэн мэдэгдлийг Хятадын жолоодлоготой сансрын нислэгийн хөтөлбөрийн төлөөлөгч У Пин мэдэгдсэн байна.
“Шэньчжоу-11” нь Хятадын хүн амьдрах боломжтой тойрог замын станц “Тяньгун-2”-т хоёр сансрын нисэгчээ хүргэнэ. Хятадаар тайконавт гэж нэрлэдэг сансрын нисэгчид нь тойрог зам дээр 33 хонохоос 30 хоногийг нь “Тяньгун-2” станц дээр өнгөрүүлэх юм.
Багийн хоёр гишүүнийг 16-нд албан ёсоор зарласан бөгөөд багийн ахлагчаар Зин Хэйпин, туслах нисэгчээр Чэн Дуныг сонгосон бөгөөд нислэгийн удирдагчид нь энэ багийг “залуу нас ба туршлага хоёрын хайлш” гэж тодорхойлсон аж. Багийн ахлагч Чэн Дун нь 2008 онд Шэньчжоу-7” сансрын хөлгөөр, 2012 онд “Шэньчжоу-9” сансрын хөлгөөр нисч байсан туршлагатай тайконавт.
Энэ нислэгээрээ БНХАУ нь сансрын уудамд, станц дээр тайконавтуудын өнгөрүүлсэн хоногоороо дээд амжилт тогтоох юм.