Берлиний нэг нисэх буудалд бөмбөг дэлбэлэхээр бэлтгэж байсан хэмээн сэжиглэж Германд баривчлаад байсан Сири гаралтай 22 настай Жабер аль-Бакр  гэгч Лейпцикийн урьдчилан хорих байранд амиа хорлосон байна.

Түүнийг равадугаар сарын 9-ний өдөр Лейпцик хотоос баривчилсан юм. ХБНГУ-ын Үндсэн хуулийн хамгаалалтын газрын тэргүүн Ханс-Георг Маассен түүнийг Берлиний олон улсын нисэх буудалд бөмбөг дэлбэлэхээр төлөвлөж байсан гэж АРД телевизээр мэдэгдэж байсан юм.

Сири эрийг баривчлах үеэр түүний гэрт нэгжлэг хийхэд 1,5 кг тэсрэх бодис олдсон юм байна. Түүгээр ч зогсохгүй аль-Бакр долоо хоногийн турш интернетээс тэсрэх бөмбөг бэлтгэх зааварчилгаа үзэж байсан нь нотлогджээ. Хууль сахиулагчид өнгөрсөн хугацаанд аль-Бакрыг алан хядагч “Лалын улс” зэвсэгт бүлэглэлтэй холбоотой болохыг нь тогтоосон юм байна.