БНАСАУ-ын тагнуулын байгууллагын өндөр албан тушаалтан өнгөрсөн онд Өмнөд Солонгост зугтан ирж орогнол хүссэн гэж Yonhap агентлаг мэдээлжээ.
Эх сурвалжийн мэдээлснээр бол нэрийг нь дурдаагүй тэр түшмэл Умард Солонгосын Улсыг аюулаас хамгаалах яаманд ажиллаж байсан гэнэ. 

Саяын мягмар гарагт Өмнөд Солонгосын ерөнхийлөгч Пак Кын Хе умардаас зугтаан ирж Өмнөдөд орогнол хүсч байгаа хүмүүс нь “Үндэстнийг нэгтгэхэд туршилтын талбай болно” гэсэн байна.

Албан ёсны статистик мэдээгээр бол энэ оны эхний есөн сард Умард Солонгосын 900 иргэн өмнөдөд  зугтаж ирсэн нь өмнөх оны мөн үетэй харьцуулахад 15 хувь өссөн дүн болж байна.
Өмнөд Солонгосын Үндэстнийг нэгтгэх яамны тайлангаар 2011-2015 онуудад Умардаас зугтаж ирэгсдийн тоо жил бүр хоёр дахин буурч байсан гээд, 2,7 мянга байснаа 1,2 мянга болсон гэжээ.

Гэхдээ энэ оны эхний хагас жилд умардаас ихэвчлэн Европт ажиллаж байсан 10 гаруй дипломат БНСУ-д дүрвэж ирсэн гэж баталгаатай эх сурвалжийн мэдээлснийг орон нутгийн хэвлэлүүд бичиж байгаа юм.