Хөгжлийн банкны гүйцэтгэх захирал асан Н.Мөнхбатыг өчигдөр орой Авлигатай тэмцэх газар, шүүхийн шийдвэрээр баривчилж, хорих 461 дүгээр ангид саатуулсан байна.

Түүнийг Эрүүгийн хуулийн 150 дугаар зүйл, 153, 265.2 дугаар зүйл ангид зааснаар буюу албан тушаалтан эрх мэдлээ урвуулан ашиглаж, бусдын эд хөрөнгийг завшин, үрэгдүүлсэн болоод бусдын эд хөрөнгийг болгоомжгүйгээр үрэгдүүлсэн гэж хуулийнхан үзэж, ийнхүү цагдан хорьсон гэнэ.

Хөгжлийн банкны гүйцэтгэх захирал асан Н.Мөнхбат нарыг албан тушаалаа ашиглаж, төсвийн мөнгийг үрэгдүүлсэн хэрэгт буруутгаж, АТГ эрүүгийн хэргийг нь нэгтгэсэн гэж өмнө нь мэдээлж байсан юм. Энэ бүхний төлөө  Хөгжлийн банкны захирал асан Н.Мөнхбатыг зарим албан хаагчдынх нь хамт АТГ-аас сэжигтнээр татаж, гадуур байцааж байсан юм.