Өмнөд Солонгосын эрх баригчид нь тус улсын мэдлийн усанд хууль бусаар агнуур хийж байгаа хятад загасчдын эсрэг зэвсэг хэрэглэхэд бэлэн тухайгаа албан ёсоор мэдэгджээ. Өмнөд Солонгосын эргийн хамгаалалтын албаны даргын орлогч Чи Чун Же “Хятадын загасчдын зүгээс хийсэн зөрчил болгонд бид идэвхтэй хариу үзүүлэх болно. Үүндээ бид тороор шүүрдэгч, тор хаягч гэх мэт усан онгоцыг баривчлахаас эхлээд шаардлагатай тохиолдолд зэвсэг хэрэглэх хүртэл боломжтой бүх л аргыг хэрэглэнэ” гэж мэдэгдсэн байна.

Өнгөрсөн долоо хоногт Хятадын загас агнуурын тороор шүүрдэгч завь Өмнөд Солонгосын мэдлийн усанд хууль бусаар агнуур хийж байгаад илчлэгдэхдээ Солонгосын эргийн хамгаалалтын завийг мөргөж зугатсан хэрэг гарсан. Мөргүүлсэн завь живж, хэргийн эзэн эсэнд мэнд зугтсан бол мөргөсөн завь Хятадын мэдлийн ус руу орж амжилттай зугатсан байна.

БНХАУ-ын Гадаад хэргийн яам нь Өмнөд Солонгосын зүгээс хийсэн энэхүү мэдэгдлийг хариуд болж өнгөрсөн үйл явдалд илүү ул суурьтай, тайван хандах шаардлагатай байгааг онцолсон байна.