Өөрийгөө “Царайлаг хүмүүсийн клуб” гэж нэрлэдэг BeautifulPeople.com танилцах сайтын статистикаас үзвэл дэлхийн хамгийн царай муутай эрчүүдийг эхний гуравт британичууд, оросууд, польшчууд ордог болж таарчээ. Тус сайтад өөрийн мэдээллийг байршуулах зөвшөөрөл авахын тулд эсрэг хүйсний хэрэглэгчдийн зөвшөөрлийг авах ёстой бөгөөд тэд горилогчийн зураг ба товч намтрыг үндэслэн шийдвэр гаргадаг байна. Энэ гурван үндэстний эрчүүд тус сайтын эмэгтэй хэрэглэгчдийн ердөө 9 хувийн дэмжлэгийг авсан тул хамгийн царай муутай гэсэн “цол” авчээ.

Тус сайтын эмэгтэй хэрэглэгчдийн 60 хувь нь швед эрчүүдийг хамгийн царайлаг гэсэн бол 41 хувь нь бразильчуудыг, 40 хувь нь дани эрчүүд гэсэн байна. Харин царайлаг бүсгүйчүүдийг хэрэглэгчдийн 70 хувийн санал авсан норвеги бүсгүйчүүд тэргүүлж, швед эмэгтэйчүүд 62 хувийн санал авч хоёрдугаарт, исланд эмэгтэйчүүд гуравдугаарт оржээ.

BeautifulPeople.com сайтынхан хамгийн царайлаг эрчүүд ба бүсгүйчүүдийг тодруулаад зогссонгүй “Зөвхөн хөөрхөн хүмүүст” гэсэн зоогийн газрыг Лос-Анжелост нээсэн тухайгаа мэдэгдэв. Тус зоогийн газраар үйлчлүүлэх хүсэлтэй хүмүүсийг одууд,загвар өмсөгчдийг бэлтгэдэг мэргэжлийн хүмүүсээс бүрдсэн шүүгчид шалгаад таалагдвал зоогийн газраар үйлчлүүлэх эрх өгөх юм байна.