Польшийн мянга мянган эмэгтэй гудамжинд гарч хууль тогтоогчид үр хөндүүлэхийг бүрэн хориглохоор хэлэлцэж эхэлснийг  эсэргүүцэж байгаагаа илэрхийллээ. Даваа гарагт болсон энэ арга хэмжээнд польшийн хэдэн зуун мянган эмэгтэй оролцсоноос тус улсын дэд бүтцийн салбарын зарим хэсэг л ажилласныг эс тооцвол тэд ажилдаа гарсангүй. Эмэгтэйчүүдийн “Миний бие бол миний л хэрэг” гэсэн уриан дор болсон энэ арга хэмжээ, “Хар даваа гараг” гэж нэрлэсэн байна.

Үр хөндүүлэхийг бүрэн хориглох тухай хуулийн төслийг Польшинй парламент хэлэлцэж эхлээд эхний хэлэцүүлгийг нь хийгээд байгаа юм. Энэ хуулдиар үр хөндүүлсэн тохиолдолд хуулийн хариуцлага хүлээлгэж таван жилийн хорих ял өгөхөөр  заажээ. Гагцхүү эхийн эрүүл мэндэд аюул учрах тохиолдолд л эмчийн зөвшөөрлөөр үр хөндүүлэхийг зөвшөөрөх юм байна.
Жагсагчид “Миний бие бол миний  л хэрэг”, “Бүдүүлэг үйлдлээ зогсоо” гэсэн уриа лоозон барьж жагссан байна.
Үр хөндүүлэхийг хориглох тухай хууль өнөөдөр Польшид 1993 оноос хэрэгжиж байгаа ч үүний уршгаар эмчийн зөвшөөрлөөр жилд 1-3 мянган эмэгтэй үр хөндүүлж байгаа бол нууцаар 10-150 мянган эмэгтэй үрээ хөндүүлдэг гэсэн судалгаа байгаа юм.