Иракын жирийн нэгэн гэрийн эзэгтэй, 39 настай Ум Ханада хоёр нөхөр, хамаатнуудаа “Лалын улс” зэвсэгт бүлэглэлийн дайчдад алуулсны дараанаас тэдний эсрэг босогчдын эгнээнд нэгдэн байлдаж эхэлжээ. Тэрээр ямар ч эрэгтэйгээс дутахгүй байлдаж, тулалдааны дараа алан хядагчдын алагдсан дайчдын толгойг тогоонд чанаж амь үрэгдэгсдийнхээ өшөөг авдаг гэнэ.
Лалын улс” бүлэглэлийн дайчид түүний нөхрийг алж толгойг нь авсаны төлөө ингэдэг гэж тэр хэлжээ.
Анхны нөхрийг нь цаазалсны дараа бүсгүй өөрийн хотоос зугтаан өөр хүнтэй танилцаж ханилсан юм байна. Гэтэл хэсэг хугацааны дараа лалынхан дахиад л тэнд нь ирж хоёрдахь нөхрийг нь алаад зогссонгүй төрөл төрөгсдийг  нь барьж цаазалжээ.
Ум Ханада одоо 70 гаруй хүнтэй босогчдын отряд удирдан “Лалын улс”-ын алан хядагчидтай тэмцэж явна.
Тэр өөрөө зоригтой дайчин бусдыгаа үлгэрлэн тулалдахын зэрэгцээ сайн удирдагч болохоор захирагдагсад нь түүнийг ихэд хүндэлдэг байна. Тэрээр хэд хэдэн удаа халдлагад өртөж, олон удаа шархадсан ч шантралгүйгээр отрядаа удирдан тулалдаж, тулаан бүрийн дараа алан хядагчдын толгойг чанасаар яваа гэнэ.