Албанийн нийслэл Тиранд украин гаралтай ч ОХУ, Израилын иргэн 32 настай Борис Игоревич Вольфман гэгчийг хүний эд эрхтэн наймаалах гэж байсны нь төлөө баривчилсан байна.

Европын холбооны төлөөлөгчийн газрын мэдээнд дурдсанаар бол тэрээр Вольфмон эмч нарын олролцоотой сүлжээ байгуулж Коста-Рикагаас Косово руу  хүний эд эрхтэн хууль бусаар оруулдаг байсан бололтой. “Өөрийгөө тусгаар улс хэмээн тунхагласан Косовод хэд хэдэн эмч оролцсон хүний эд эрхтэн наймаалдаг сүлжээ байгаагийн тэргүүн нь Борис Вольфман бололтой” гэж мэдээллийн Kossev сайтад нийтэлсэн мэдээлэлд  дурджээ.

Зарим мэдээллээр бол энэ эр хүний эд эрхтэн наймаалсан хэргээр янз бүрийн орны хууль сахиулагчдын гарт гурван ч удаа орж баригдаж байсан гэнэ. Вольфманыг 2008 оноос ийм бизнесийн гэмт хэрэгт орсон гэж мэдээлж байна.