Эрүүл мэндийн The Lancet сэтгүүл дэлхийн 188 орныг хүн амын нь эрүүл мэндийн байдлаар судалж байр эзлүүлэхэд Монгол Улс Гондурас, Умард Солонгос улсуудтай хамт 118 дугаар байрт жагсан хойд хөрш ОХУ-ын өмнө орсон байна.

Судалгаанд1990-2015 оны хооронд дэлхий дахинаа гарсан өвчин, халдвар, тахал хэр түгэж тархсан, өвчлал зэргийг гол болгон 33 үзүүлэлтийг 0-100 оноогоор дүгнэж гаргасан байна.
Энд хүүхдийн болон нярай хүүхдийн эндэгдэл, зүрх судасны өвний улмаас нас барж байгаа хүний тоо,эмнэлэгт хэвтэн эмчлүүлсэн хүн, зам тээврийн осол, амиа хорлох явдал зэргийг харгалзжээ. Мөн ХДХВ-ийн өвчлөл, сүрьеэ, халдварт шар-В, хүүхдийн биеийн жин, архи тамхины хэрэглээ зэргийг оруулсны зэрэгцээ байгаль орчны бохирдол, нийгмийн эрүүл мэнд, сувилахуйг бас харгалзсан гэнэ.

Хүн амынхаа эрүүл мэндийг хамгийн сайн хамгаалж хүмүүс нь эрүүл гэгдсэн эхний таван улсад Исланд, Сингапур, Швед, Андорра болон Их Британи орсон бол хүн амын нь эрүүл мэнд хамгийн муу орнуудад Нигер, Өмнөд Судан, Сомали, Төв Африкийн бүгд найрамдах улс орж сүүлийн байр эзэлжээ.