Барууны консерватив үзэл баримтлалтай “Монгол консерватив нам”-ыг байгуулж буй талаар өнөөдөр тус намын удирдлагууд мэдээлэл хийлээ. Хуульд заасны дагуу намын үндсэн мөрийн хөтөлбөр болон бусад бичиг баримтыг өнөөдөр улсын дээд шүүхэд танилцуулахаар өгсөний дараа ард иргэдэд нам байгуулагдаж буй талаар мэдээлж байгаа аж. Улсын дээд шүүх тэдний хүсэлтийг хүлээн аваад 30 хоногийн хугацаанд монголын улс төрийн намаар бүртгэж авсан эсэх хариуг өгөх аж. Ийнхүү товчхон бөгөөд тодорхой мэдэгдэл хийсэн тус намынхан өөрсдийгөө “монголын улс төрийн намуудын гэр бүлд шинэ гишүүн төрлөө” хэмээн тодорхойлж байна.