АНУ-ын Хэрэглэгчдийн аюулгүй байдлын комисс Өмнөд солонгосын  үйлдвэрийн Samsung Galaxy Note 7 гар утас худалдаж авсан хэрэглэгчдийг яаралтай буцаан өгч өөр утсаар солихыг хэрэглэгчдэдээ анхааруулсан байна. Ийм утас батарей нь дэлбэрэх юм уу, өөрөө шатах аюултайг давхар сануулж байна гэж телевизийн CNBC суваг мэдээлжээ.
Тус комиссын тэргүүн Эллиот Кей хэрэглэгчдэд гар утасаа эргүүлэн авчирч өгч ижил төрлийн утас авах юм уу, мөнгөө эргүүлэн ав гэж мэдэгдсэн байна.
Агаарын тээврийн комапниуд ч зорчигчдоо нислэгийн үеэр ийм гар утас ашиглахгүй байхыг зөвлөсөн байна.
Ийм маркийн гар утас зургаан настай хүүгийн гарт дэлбэрсэн тохиолдол гарснаас үүдэн ийм арга хэмжээнүүд авч байгаа юм. Мөн Флорида мужийн нэгэн иргэн ийм гар утасаа машиндаа тавиад орхисны дараа дэлбэрч машин нь шатсан тохиолдол ч гарсан юм.

Энэчлэн гар утасны батарей дэлбэрсэн, шатсан тухай мэдээлэл зөвхөн америкийн хэрэглэгчдээс 92 удаа ирсний 26 тохиолдолд нь хүн тоүлэгдсэн, 55-д нь гал гарч өмч хөрөнгөөрөө хохирсон гэсэн байна.
Өнгөрөсөн наймдугаар сарын 19-нөөс худалдаанд гарсан Samsung Galaxy Note 7 гар утас дэлхийн арав гаруй оронд гарснаас  Америкийн зах зээлд нэг сая орчим борлогдсон юм байна.