АНУ-ын эрх баригчид үхэр үржүүлдэг фермүүдийн бэлчээрийг нэмэгдүүлэхийн тулд тэнд идээшч байгаа 45 мянган зэрлэг адууг хядахаар төлөвлөж байна хэмээн The Independent хэвлэл мэдээлжээ.

Хэвлэлд бичсэнээр бол Нэгдсэн улсын нутаг дэвсгэрт нийтдээ 50 мянга орчим зэрлэг адуу байгаа нь бэлчээр эзлэн талхалж байгаа учраас ийн 45 мянгыг нь алахаар шийдвэрлэсэн гэнэ. Энэ ажлыг татвар төлөгчдийн мөншгөөр гүйцэтгэнэ гэж байгаа ч чухам ямар аргаар хөнөөх талаар мэдээлээгүй байна.

Харин амьтан хамгаалагчид эрх баригчдын энэ шийдвэрийг эсэргүүүцэж байгаагаа хэдийнээ мэдэгджээ. Тэд зэрлэг адууг устгахын эсрэг иргэлдийн гарын үсэг цуглуулж эхэлсэнд нь одоо 71 мянга гаруй хүн нэгдээд байгаа юм байна.

Амьтан хамгаалагчид унагалахыг нь хязгаарлах замаар зэрлэг адууны тоо толгойг хянах хэрэгтэй гэсэн санал дэвшүүлэн 20 жилийн турш тэмцэж байгаа юм.