Найлайх дүүргийн тавдугаар хорооны малчин Даваахүүгийн хотонд малын гоц халдварт боом өвчин гарсан тухай өмнө нь мэдээлсэн. Засаг даргын захирамжаар хорио цээрийн дэглэм тогтоосон бүсэд өчигдөр гэхэд 1205 малд мал эмнэлгийн эмч нар үзлэг тандалт хийж ажилласан байна. Ингэхэд ямарнэг халдварт өвчний шинж тэмдэг нэмж илрээгүй гэнэ. Мөн гурван хот айлын 42000 ам.метр талбайг ариутган, халдваргүйжүүлж, Улаанбаатар-Багануур, Налайх, Тэрэлжийн автозамаар зорчиж байгаа нийт 2046 тээврийн хэрэгслэд ариутгал хийжээ.