Монголын урчуудын эвлэлийн үзэсгэлэнгийн танхимд “Монгол зураг нийгэмлэг”-ийн уран бүтээлчдийн нэгдсэн үзэсгэлэнөнөөдөр нээлтээ хийлээ. Өнөө үед монгол зураг хоцрогдсон, хуучирсан байхаа больж судлаач, зураачдын сонирхлыг татах болжээ. Түүгээр  ч үл барам орчин үеийн урлагийн чиг хандлагатай нэгдэн нийлж улам бүр хөгжиж байна. Анх Дүрслэх Урлагийн Дээд Сургуулийг монгол зургийн чиглэлээр төгссөн 14 залуу хамтарч “Монгол зураг нийгэмлэг”-ийг байгуулсан нь өнөөдөр 10 жилийн ойтойгоо нь золгож байгаа аж. Тус үзэсгэлэнд монгол зураг зураач 42 уран бүтээлчийн 83 бүтээл тавигдсан байна. Мөн түүнчлэн Тус нийгэмлэгийн хамт олон зураг зурах дуртай хойч үе, хүүхэд багачуудыг монгол зурагт дур сонирхолтой болгох, монгол зургийн арга ухааныг өвлүүлэх талаар анхаарч үзэсгэлэндээ бага насны хүүхдүүдийн зурсан зургийг ч дэлгэн үзүүлсэн байлаа. Тэдний зураг хүүхэд зурсан гэж хэлэхийн аргагүй өнгө будгийн зохилдлоготой байсан юм.