МАН-ын удирдлагуудад орос шиг л байл даа гэж хэлэх гэсэн юм. Өнгөрсөн хавар намынхаа эсрэг ажиллалаа хэмээж УИХ-ын гишүүн Ц.Даваасүрэнг Бага хурлынхаа гишүүнээс хасч, сонгуульд өрсөлдөх тойрог өгөөгүй байж ялалт байгуулаад ирэхээр нь “Манай намын гишүүн Ц.Даваасүрэн Хөвсгөл аймагт ялалт байгууллаа” гэж магтах болж. Твиттэр, фэйсбүүкээр л нэг юм бичиж, ялалт байгуулсан Даваасүрэнд баяр хүргэе гэж бичиж. Яг үнэн хэрэгтээ дотроосоо өтсөн МАН-ыг шүүмжилсэнийх нь төлөө түүнийг Бага хуралдаа оролцуулахгүйгээр хаалганы цаана үлдээсэн. Бүлгийн хуралд оролцохгүй гэдгээ мэдэгсэнийг нь намаасаа гарсан мэтээр ярьж түүнийг Төрийн ордонд суухад ч хүнд байдалд оруулсан МАН-ынхан. Харин одоо ингэж бялдуулчилж байгаа нь ард түмэнд таалагдахгүй байгаа нь мэдээж. Тэгэхээр МАН-ын удирдлагууд орос шиг л баймаар юм.
Г.ДАВАА
