Умард Солонгосын удирдагч Ким Чен Ун болоод тус улсын өндөр албаны 22 хүнийг хүний эрх зөрчиж байна хэмээн АНУ тусгайлан хориг тавьсан байна. “Хүний эрхийг байна зөрчиж байгаа Умард Солонгосын удирдлагад хариуцлага тооцохын тулд өнөөдөр бид бас нэг алхам хийлээ” гэж АНУ-ын Засаг  захиргааны өндөр албаны төлөөлөгч сэтгүүлчдэд мэдэгджээ.
 
Хүний эрхийг зөрчиж байга агэдэгтээ тэрээр бөөнөөр хорих лагерь, Өмнөд Солонгос руу зугтахыг оролдсон,  болон эх орноо орхин гадаадад гарсан  гэж хүмүүсийг мөрдөн мөшгиж байгаа зэргийг дурдсан байна. Энэ бол Хүний эрхийг зөрчиж байгаагийнх нь тухайд Умарод Солонгосын удирдлагуудын эсрэг авч байгаа энэ хориг анхных гэж өндөр албан тушаалтан хэлжээ.

Тэр бас Вашингтон энэ хоригт орсон хүмүүсийн нэрсийг цаашид шинэчилж байх болно гэсэн байна.
Энэ хоригийг АНУ-ын Сангийн яам мөрдөж нэр бүхий хүмүүсийн дансыг царцаах, америкийн компани, хувь хүмүүстэй ажил хэргийн холбоо тогтоохыг хориглох юм байна.

Энэ хориг БНАСАУ-ын удирдагч болоод бусад албан тушаалтнуудад нөлөөлөх үү гэсэн асуултад АНУ-ын Засаг захиргааны төлөөлөгч “Энэ нь Умард Солонгосын удирдагчидтай хамтран ажиллахыг хүсч байгаа дэлхий нийтийн бүхий л компани аж ахуйн нэгжүүдэд хатуу сануулга болно” гэж хариулжээ.