Уулын Карабахад гал зогсоох дэглэмийг ганцхан хоногийн дотор армяны зүгээс есөн удаа зөрчиж буудалцлаа гэж Азербайжаны Батлан хамгаалах яам мягмар гарагт мэдэгдсэн байна.

“Гал зогсоох тухай хэлэлцээр мөрдөж эхэлсэн  ч гэсэн Уулын Карабах дахь мөргөлдөөний бүсэд Армяны зүгээс ганцхан хоногийн дотор есөн удаа гал нээж дэглэмийг зөрчлөө” гэж БХЯ-ны хэвлэлийн албаны мэдээнд дурджээ.
 
Армян, Азарбайжан улсууд Уулын Карабахад нөхцөл байдал хурцадлаа хэмээн дөрөвдүгээр сарын 2-нд мэдэгдэж Армяны тал болохоор Азербайжаны зүгээс довтолсон гэсэн бол Азербайжаны БХЯ нь Армяны зэвсэгт хүчин гал нээж эхэлсэн гэж мэдэгдсэн юм. Сөргөлдөгч талууд гал зогсоох тухай хэлэлцээрт дөрөвдүгээр сарын 5-нд гарын үсэг зурцгаасан юм. Гэхдээ үүнийг зөрчин гал нээлээ хэмээн бие биенээ буруутгасаар байгаа юм.

Анх Уулын Карабахын автономит муж Азербайжаны бүрэлдхүүнээс гарлаа гэж мэдэгдсэнээр 1988 оны хоёрдугаард сард энэ зөрчил эхэлсэн юм. Улмаар 1991 оны есдүгээр сард тус мужийн төв Степанакертед Уулын Карабахын бүгд найрамдах улс байгуулснаа зарлажээ. Үүний дараа эхэлсэн цэргийн мөргөлдөөний явцад Азербайжан улс Уулын Карабах дахь хяналтаа алдсан юм.

Үүнээс хойш Азербайжан гаар нутгийнхаа бүрэн бүтэн байдлыг хадгалах, харин Армян болохоор өөрсдийгөө тусгаар улс гэж зарлаад байгаа Бүгд найрамдах улсын сонирхлыг хамгалаан зөрчилдсөөр өнөө хүрч байгаа юм.