Рамадан сарын төгсгөл болж байгатай холбогдуулан дэлхий даяар лалын сүм хийдүүдэд мөргөл эхэллээ. ОХУ-ын нийслэл Москва хотод энэ ёслолыг Оросын лалын шашинтнуудын зөвлөлийн тэргүүн Равиль Гаунутдин удирдлаа гэж РИА Новости агентлдаг мэдээлсэн байна.

Тэрээр энэ ёслолыг нээж хэлсэн үгэндээ лалын шашинтнуудын энэ их баярын үеэр  дэлхийнэ өнцөг булан бүрт цэргийн үйл ажиллагаа болж алан хядах үйл ажиллагаа үргэлжилж олон хүний амь хөнөөж байгаад харамсч байгаагаа илэрхийлсэн байна.

Харин баярын мөргөл эхлэх үеэр сүмийн нэг байранд дэлбэрэлт болох гэж байгаа юм шиг утаа багширсан гэж мэдээлсэн ч ОХУ-ын Онцгой байдлын яам үүнийг няцаасан байна. “Энэ албаны албан мэдээнд “Лалын сүмд утаа уугисан хэмээн хэвлэлүүдийн мэдээлсэн нь худал байлаа” гэж албаны твиттертээ бичжээ. Сүмийн орчимд тайван, үйл ажиллагаа нь хэвийн үргэлжилж байна гэж энэ мэдээлэд дурдсан байна.