“ОХУ-аас Египетийн тэнгисийн цэргийн хүчинд цохилтын “Москит” пуужин суурилуулсан  хөнгөн хөлөг онгоц шилжүүлэн өглөө” гэж Оросын тэнгисийн цэргийн хүчний байлдааны бэлэн байдлын Удирдах газрын дарга Виктор Кочемазов “РИА Новости” агентлагт мэдээлсэн байна.
Тэрээр “Египетийг терроризмтой тэмцэхэд хуурай газарт төдийгүй тэнгист ч хүчээ зузаатгахад нь тусалж байгаа юм” гэжээ.

Мөн ОХУ-ын Тэнгисийн цэргийн флотын командлагч адмирал Владимир Королев Орос Египет хоёр улс энэ жил тэнгисийн цэргийн хамтарсан “Найрамдлын гүүр” хээрийн сургууль хийнэ гэж мэдэгдлээ.
Хөлөг онгоц эсэргүүцэх далавчит пуужин “Москит”-ыг байрлуулсан Р-32 хөнгөн хөлөг нь дуунаас хурдан хөвөх чадалтай, маневрлах чадвар сайтай, агаараас эсэргүүцэн хамгаалах зориулалтаар ашиглах юм.

Оросын цэрэг техникийн хамтын ажиллагааны холбооны мэдээлснээр ОХУ,  Египеттэй нийтдээ 3,5 тэрбум долларын зэвсгийн худалдааны гэрээ 2014 оны есдүгээр сард байгуулсан юм байна. “Ростех”-ийн ерөнхий захирал Сергей Чемизов үүнд зөвхөн буудлагын зэвсэг төдийгүй агаараас эсэргүүцэн хамгаалах, артиллерийн зэвсэг багтаж байгаа гэв. Египет цаашдаа МиГ-35 сөнөөгч онгоц хэд хэдийг худалдан авах юм байна.