ОХУ-ын нийслэл Москва хотын Гагарины шүүх нийгмийн халамжийн ажилтны дүр эсгэн тэтгэврийн хөгшидийн банкны карт, нууц дугаарыг авч залилан үйлддэг луйварчдын  12 хүнтэй бүлгийг баривчлан хорьсон байна.

“Зальтнууд тэтгэврийн хөгшчүүлийн “Дайны хүүхдүүд” нэртэй төсөлд хамруулна, амралтын бичиг, 10-15 мянган рублийн тэтгэлэг олгоно хэмээн амладаг байж. Ингэж тэтгэлэг олгоход зайлшгүй хэдэн асуултад хариулах ёстой гээд үүндээ банкны картынх нь нууц дугаарыг бичүүлж авдаг байжээ. Ингэж бүх мэдээлийг нь авсны дараа банкин дахь мөнгийг нь авдаг байсан” гэж ОХУ-ын Дотоод яамны албан ёсны төлөөлөгч Ирина Волк  хэлсэн байна.

Гэмт хэргийн бүлэглэлийнхэн тэтгэврийн 200 гаруй ахмадад 50 орчим сая рублийн хохирол учруулжээ.