Украины Закарпатье дахь хилийн "Дьяково"   боомтод ОХУ-ын дипломат  дугаартай -Benz Vito авто машин хууль бусаар их хэмжээний тамхийг дипломат ачаа нэрээр Монгол руу зөөвөрлөж явсныг саатууллаа хэмээн Украины Хил хамгаалах албаны тэргүүн Олег Слободян “112 Украина” телевизийн сурвалжлагчид мэдээлсэн байна.

“Авто машинд сэжигтэй ачаа байгааг хилийн үнэрч нохой мэдсэнээр гаалийн болон улсыг авулаас хамгаалах байгууллагын ажилнууд нарийвчлан шалгах энэ ачаа илэрсэн” гэж Слободян ярьжээ. Автомашинд Монгол Улсын хоёр иргэн явж байсан байна. Закарпат мужийн Холбооны аюулгүй байдлын газрын хэвлэлийн албаны мэдээлснээр бол шалгалтын явцад машины жолооч нь ч Монгол Улсын иргэний паспорттой, зорчигч нь ОХУ-д  суугаа Монгол Улсын  ЭСЯ-ны ажилтан хэмээсэн  дипломат паспорттой байсан гэнэ. Тээшинд байсан найман чемоданд байгаа материал, техник хэрэгслийг энэ сарын 29-нд Монголд болох сонгуульд хэрэглэх гэж байгаа юм хэмээн тайлбарлажээ. Гэсэн ч ачаа нь Москвагаас Ром руу илгээсн дипломат ачаа гэсэн дагавар бичигтэй байсан гэнэ.

Хуулбарласан баримт бичгүүд нь Венин конвенцоор баталсан загварт нийцэхгүй байгааг хууль сахиулагчид тогтоожээ.
Дипломат ачаа гэсэн лац тэмдэгтэй энэ тээшинд украины үйлдвэрийн Rothmans болон үйлдвэрлэлийн таних тэмдэггүй  "Комплимент Винс", NZ, Lifa зэрэг маркийн 29145 хайрцаг тамхи байсныг гаалийнхан илрүүлсэн байна.