Засгийн газрын өнгөрсөн тавдугаар сарын 9-ний өдрийн хуралдаанаар “Сайн хашаа” хөтөлбөр баталсан. Гэр хорооллыг орон сууцжуулах бодлогын хүрээнд амины сууц болгон хөгжүүлэх, дэд бүтцийг нь шийдэх арга зам бий.

Айл өрх эсвэл хөршүүдээрээ хамтарч “Сайн хашаа” хөтөлбөрт хамрагдаж, оролцох боломжтой. 15 хүртэл сая төгрөгийг 5 жилийн хугацаанд 5 хувийн хүүтэйгээр зээлж, хашаа, хөрш, гудамжаа тохижуулахыг  дэмжиж байгаа юм. Эхний хоёр жилд зээлийн үндсэн төлбөрөөс чөлөөлөхөөр  журамд зааж өгчээ.

Ингэснээр иргэд зээлийн дарамтанд орохгүйгээр амьдарч буй орчноо эрүүл, тохилог болгох боломж олгож байгаа. Улаанбаатарын 69 мянга 200 айл өрх “сайн хашаа”-тай өрхийн анхдагч болохоор батламжаа авсан. “Сайн хашаа” хөтөлбөрийн хүрээнд энэ ажлыг дэмжиж гэр хорооллыг тохилог, инженерийн дэд бүтэцтэй, эрүүл тохилох болгох шийдлийг хэрэгжүүлэхээр 30 гаруй компани хамтарч ажиллана.

Хоёр үе шаттай хэрэгжих “Сайн хашаа” хөтөлбөрийг 2021 он хүртэл хэрэгжүүлэх учир иргэдээс санал авч, сайн санаачилга байвал хөтөлбөртөө тусгах юм байна. 1950-1960 оны үеийн соёлын довтолгоонтой төстэй ч гэж Ерөнхий сайд Ч.Сайханбилэг тайлбарласан.

Хөтөлбөрийг баталсны дараа иргэдээс газар, хашаа байшингаа барьцаалж зээл авсан нь цөөнгүй байдаг тул зээлийн дээд хэмжээг нэмж өгөхийг хүсчээ. Тиймээс барьцаалан зээлдүүлэх газарт тавьсан газрын гэрчилгээгээ зээлээс чөлөөлөх боломжийг давхар бүрдүүлж байгаа аж.