Ерөнхийлөгч Николас Мадураг эргүүлэн татах бүх нийтийн санал асуулга явуулахын тулд  Венесуэлийн  сөрөг хүчний төлөөлөгчид 1,3 сая гарын үсэг цуглууллаа хэмээн мягмар гарагт зарлалаа гэж El Nacional хэвлэл мэдээллээ.
Уг нь бүх нийтийн санал асуулга явуулахын тулд 195 мянгаас доошгүй хүн дэмжиж гарын үсэг зурсан байхад хангалттай юм байна.

Сөрөг хүчнийхэн бас Үндэсний сонгуулийн зөвлөлийн төлөөлөгчидтэй уулзсан, тэд нь 1,3 сая хүний гарын үсэг нь жинхэнэ, хүчин төгөлдөр гэсэн хэмээжээ. Ингэхээр сөрөг хүчнийхэн шаардлагатай хэмжээнээс зургаа дахин их гарын үсэг цуглуулж чадсан болохоор бүх нийтийн санал асуулга явуулах шийдвэр гаргахыг сонгуулийн байгууллагад шаардах эрхтэй болж байна.
Үүний зэрэгцээ эрх баригч Венесуэлийн нэгдсэн социалист намынхан “сөрөг хүчнийхэн зайлшгүй шаардлагатай тооны гарын үсэг цуглуулж чадаагүй” гэснийг няцаажээ.

Сөрөг хүчнийхэн Мадурог огцруулах талаар бүх нийтийн санал асуулга явуулахыг дэмжсэн 1,8 сая хүний  гарын үсгээ бүр тавдугаар сарын эхээр Сонгулуийн төв зөвлөлд өгсөн юм. Энэ бүхнийг нягталж үзсэний дараа сөрөг хүчнийхэн дахиад гарын үсэг цуглуулсаар байгаа нь энэ.

Тавдугаар сарын дундуур ерөнхийлөгч Николас Мадурог ордны эргэлтээр огцруулан засгийн эрхээс зайлуулж магадгүй хэмээн америкийн байгууллагын шинжээчид үзэж байсан юм. Одоо харин ийм ордны эргэлт нь ирэх жил болох бүх нийтийн санал асуулгаар болж магадгүй гэж тэд үзэж байгаа юм байна.